కోవిడ్ కేసుల్లో ఒమిక్రాన్ RF.5 వేరియంట్ గుర్తింపు-మంత్రి సత్య కుమార్

ఆందోళన అక్కర్లేదు-అప్రమత్తత చాలు..

ప్రమాదకరమని ఎలాంటి ఆధారాలు లేవు..

ముఖ్యoగా లక్షణలు:-

అమరావతి: ఇది కరోనా వైరస్‌లోని ఒమిక్రాన్ వేరియంట్‌కు చెందిన ఒక ఉపవంశం,  ప్రపంచ వ్యాప్తంగా గుర్తించిన అనేక ఒమిక్రాన్ ఉపవంశాల్లో RF.5 కూడా ఒకటి. కడప జిల్లాలో నమోదైన కోవిడ్ పాజిటివ్ కేసుల్లో 4 నమూనాలను వైద్య ఆరోగ్యశాఖ పూణేలోని వైరాలజీ ల్యాబ్ కు పంపింది. వాటి ఫలితాలు ఇప్పుడు అందాయి. ఈ మేరకు రాష్ట్ర వైద్య ఆరోగ్య శాఖ మంత్రి సత్య కుమార్ ఉన్నతాధికారులతో సెల్ ఫోన్ ద్వారా మాట్లాడారు. ఈ సందర్భంగా అధికారులతో పూణే నుంచి అందిన ఫలితాలు, రాష్ట్రంలోని తాజా పరిస్థితుల గురించి  మంత్రి చర్చించారు. ఈ మేరకు ఓ ప్రకటన జారీచేసారు.

ప్రమాదకరమని ఎలాంటి ఆధారాలు లేవు:- ప్రపంచ ఆరోగ్య సంస్థ (WHO) ఈ వేరియంట్‌ను సాధారణ జీనోమిక్ పర్యవేక్షణలో భాగంగా పరిశీలిస్తోంది. ఓమిక్రాన్ RF-5nu SARS-Coc2 గా కూడా పర్యవేక్షిస్తోoదని డైరెక్టర్ ఆఫ్ మెడికల్ ఎడ్యుకేషన్ డాక్టర్ విష్ణువర్ధన్ తెలియజేశారు. సింగపూర్‌తో పాటు ఆగ్నేయాసియా లోని కొన్ని దేశాల్లో RF.5 కేసులు ఎక్కువగా నమోదయ్యాయి.

ప్రస్తుతం అందుబాటులో ఉన్న శాస్త్రీయ ఆధారాల ప్రకారం RF.5 ఇతర ఒమిక్రాన్ వేరియంట్లతో పోలిస్తే ప్రమాదకరమని ఎలాంటి ఆధారాలు లేవు. అందువల్ల ప్రజలు ఆందోళన చెందాల్సిన అవసరం లేదని డైరెక్టర్ మెడికల్ ఎడ్యుకేషన్ విష్ణువర్ధన్ తెలిపారు.

ఒమిక్రాన్ RF.5:- RF.5 అనేది SARS-CoV-2 వైరస్‌కు చెందిన ఒమిక్రాన్ (Omicron) వేరియంట్ ఒక ఉప-వంశం (Sublineage).

ఇది JN.1 వేరియంట్ నుంచి (LF.7 → PY.1.1.1 శాఖల ద్వారా) సహజ పరిణామానికి చెందిన ఉప-వంశం.

ఇది రీకాంబినెంట్ (Recombinant) వేరియంట్ కాదు. ప్రపంచ ఆరోగ్య సంస్థ (WHO) దీనిని సాధారణ జీనోమిక్ పర్యవేక్షణ (Genomic Surveillance)లో భాగంగా నిరంతరం పరిశీలిస్తోంది. డైరెక్టర్ మెడికల్ ఎడ్యుకేషన్ డాక్టర్ విష్ణువర్ధన్ మాట్లాడుతూ RF.5 లక్షణాలు ఇతర ఒమిక్రాన్ ఉప-వేరియంట్ల లక్షణాల మాదిరిగానే ఉంటాయని తెలిపారు.

ముఖ్యoగా లక్షణలు:-

* గొంతు నొప్పి

* దగ్గు

* జ్వరం

* తలనొప్పి

* ముక్కు కారడం లేదా మూసుకుపోవడం

* అలసట

* శరీర నొప్పులు ఉంటాయని వివరించారు.

సన్నద్ధంగా ఉన్నాo:- రాష్ట్రంలో చెదురుముదురుగానే కేసులు ఉంటున్నాయని, పరిస్థితులకు తగ్గట్టుగా ఆసుపత్రులను పూర్తిస్థాయిలో సన్నద్ధంగా ఉన్నాయని మంత్రి సత్య కుమార్ తెలిపారు తెలిపారు. బోధన ఆస్పత్రుల్లో ప్రత్యేక వార్డులతో పడకలను సిద్ధం చేస్తున్నామని, కోవిడ్ కేసుల గుర్తింపునకు అవసరమైన కిట్లు, ఇతర మౌలిక సదుపాయాలను సమకూరుస్తున్నామని చెప్పారు. రాష్ట్రoలో ఇప్పటి వరకు 16 కోవిడ్ లు కేసు నమోదయ్యాయి. ఈ నెల 16 వరకు 12 కేసులు వచ్చాయని పేర్కొన్నారు.