NATIONAL

యువతరలోని సంకల్పం దేశాన్ని అభివృద్ధి పథంలో నడిపిస్తోంది-ప్రధాని మోదీ

మన్‌ కీ బాత్‌ 128వ..

అమరావతి: ప్రధాని నరేంద్ర మోదీ రేడియో కార్యక్రమం అయిన మన్‌ కీ బాత్‌ 128వ ఎపిసోడ్‌లో ఆదివారం ప్రసంగించారు. ఈ సందర్భంగా పలు అంశాలపై తన అభిప్రాయాలను పంచుకుంటూ పరిశోధనా రంగంలో భారత్‌ దూసుకుపోతుందన్నారు. నవంబర్‌ నెల అనేక అంశాల్లో ప్రేరణ కలిగించిందని వెల్లడిస్తూ,, అయోధ్యలోని రామాలయంలో జెండా ఎగుర వేయడం సంతోషాన్ని ఇచ్చిందన్నారు. భారతదేశం వ్యవసాయ రంగంలో గొప్ప విజయాన్ని సాధించిందని, ఇందుకు నిదర్శనం 35.7 మిలియన్ టన్నుల ఆహార ధాన్యాల ఉత్పత్తితో రికార్డు సృష్టించినట్లు తెలిపారు. కామన్వెల్త్ క్రీడలను నిర్వహించే అవకాశాన్ని దక్కించుకుందన్నారు.

యువతరలోని సంకల్పం:- యువత అభిరుచి, శాస్త్రవేత్తల అంకిత భావాన్ని చూసిన ప్రతిసారి తన హృదయం ఉత్సాహంతో నిండిపోతుందని,, ఇదే మన దేశబలమన్నారు. ప్రపంచంలో ఏదైనా సాధించే సత్తా భారత్‌కు ఉందని,,మన యువతరలోని అసమాన శక్తి, బలమైన సంకల్పంతో దేశాన్ని అభివృద్ధి పథంలో నడిపిస్తోందన్నారు. గడిచిన 11 సంవత్సరాల్లో విజ్ఞానం, క్రీడలు, సామాజిక సేవ, సంస్కృతి వంటి వివిధ రంగాల్లో యువత అద్భుతమైన ప్రతిభ కనబరిచారని ప్రశంసించారు.

డిసెంబర్ 4న నౌకాదళ దినోత్సవం:- నౌకాదళ దినోత్సవం సందర్భంగా ప్రధాని మాట్లాడుతూ డిసెంబర్‌ 2న కాశీ తమిళ సంగమం ప్రారంభమవుతుందని,, తమిళ భాషను ప్రేమించే వారందరికీ ఇదొక వేదికగా మారిదన్నారు. ఇటీవల ఐఎన్‌ఎస్‌ మహేను ప్రారంభించారని,, దానికి గొప్ప వారసత్వం కలిగిన మహే పేరు పెట్టారన్నారు. డిసెంబర్ 4వ తేదిన మనం నౌకాదళ దినోత్సవాన్ని జరుపుకోబోతున్నామని,, ఆ రోజు మన ధైర్యవంతులైన నౌకాదళ సిబ్బందిని గౌరవించే అవకాశమన్నారు.ఇలా పలు విషయాలను ప్రధాని నరేంద్రమోదీ దేశ ప్రజలకు తెలిపారు.

Spread the love

Leave a Reply

Your email address will not be published. Required fields are marked *