హైదరాబాద్లో ఈదురుగాలులతో భారీవర్షం-చెరువులను తలపిస్తున్న రోడ్లు
హైదరాబాద్: హైదరాబాద్లో శుక్రవారం వర్షం మరోసారి బీభత్సం సృష్టిస్తోంది. పలుచోట్ల ఈదురుగాలులతో మొదలైన వాన నగరమంతా క్రమక్రమంగా విస్తరిస్తోంది.ఈదురు గాలులతో పలు చోట్ల భారీ వర్షం కారణంగా రోడ్లపై వాహనదారులు ఇబ్బందులు పడుతున్నారు.నాంపల్లి, హిమాయత్ నగర్, ముషీరాబాద్, ఖైరతాబాద్‌లో ఒక్కసారిగా ఈదురు గాలులలో వాన కురుస్తోంది. గాలుల ఉధృతి తీవ్రంగా ఉండటంతో ఆ ప్రాంతంలో విద్యుత్ సరఫరా నిలిచిపోయింది. కుత్బుల్లాపూర్, దుండిగల్, సుచిత్ర, కొంపల్లి, జగద్గిరిగుట్ట తదితర ప్రాంతాల్లోనూ ఈదురుగాలులతో మోస్తరు వర్షం పడుతోంది. సికింద్రాబాద్ కంటోన్మెంట్ ఏరియా పరిధిలో ముందుగా ఈదురుగాలులు భయంకరమైన వాతావరణం సృష్టించాయి. తరువాత భారీ వర్షం మొదలైంది.
విద్యుత్ సరఫరాకు అంతరాయం:- అమీర్పేట్, పంజాగుట్ట, మధుర నగర్, జూబ్లీహిల్స్, బంజారాహిల్స్, పరిసరాల ప్రాంతాల్లో వర్షం పడుతోంది. అటు కోఠి, సుల్తాన్ బజార్, బేగంబజార్, మెహదీపట్నం, మాసబ్ ట్యాంక్, కార్వాన్, ఎల్బీనగర్, వనస్థలిపురం, భాగ్యలతా, హయత్నగర్, పెద్ద అంబర్పేట్, అబ్దుల్లాపూర్మెట్ ప్రాంతంలోనూ వర్షం మొదలైంది. విద్యత్ సరఫరాలో అంతరాయం కారణంగా నిలిచిపోయింది.వాతావరణ శాఖ అంచనాల ప్రకారం హైదరాబాద్, రంగారెడ్డి, నాగర్ కర్నూల్ లో రాత్రి 9 గంటల నిమిషాల వరకు వర్షం కురిసే అవకాశం ఉంది.
