పాకిస్థాన్‌లోని ప్ర‌తి అంగుళం, బ్ర‌హ్మోస్ మిస్సైల్ రేంజ్‌లోనే- ర‌క్ష‌ణ మంత్రి రాజ్‌నాథ్ సింగ్

అమరావతి: బ్రహ్మోస్ క్షిపణి భారత్ అమ్ములపొదలోకి వచ్చిన తరువాత పాకిస్తాన్ దేశంలోని ప్రతి అంగుళం బ్రహ్మోస్ పరిధిలోకి వచ్చిందని,పాకిస్తాన్ ఈ విషయం గుర్తుంచుకోవాలని కేంద్ర రక్షణ మంత్రి రాజ్‌నాథ్ సింగ్ శత్రుదేశం అయిన పాకిస్తాన్ ను హెచ్చరించారు. శనివారం ఆప‌రేష‌న్ సింధూర్ స‌మ‌యంలో జ‌రిగింది కేవ‌లం ట్రైల‌ర్ మాత్ర‌మే అని ఆయ‌న వ్యాఖ్యనించారు. ల‌క్నోలోని స‌రోజిని న‌గ‌ర్‌లో ఉన్న బ్ర‌హ్మోస్ ఉత్ప‌త్తి కేంద్రాన్ని సంద‌ర్శించిన బ్ర‌హ్మోస్ ఏరోస్పేస్‌లో త‌యారీ అయిన ఫ‌స్ట్ బ్యాచ్ క్షిప‌ణ‌ల‌కు కేంద్ర మంత్రి రాజ్‌నాథ్ ప‌చ్చ‌జెండా ఊపారు. ఈ సందర్బంలో రక్షణ మంత్రి మట్లాడుతూ భార‌తీయ సైనిక బ‌ల‌గాల‌కు బ్ర‌హ్మోస్ ఓ పిల్లర్‌లా మారింద‌న్నారు. బ్రహ్మోస్ భారతదేశంపై విశ్వాసం,,సైనిక  సామ‌ర్థ్యాన్ని పెంచింద‌న్నారు.

కేవలం 5 నెలల్లోనే మొదటి బ్యాచ్ క్షిపణులు:- బ్ర‌హ్మోస్ ఏరోస్పేస్ యూనిట్‌ను మే 11వ తేదీన 200 ఎకరాల్లో రూ.380 కోట్ల వ్యయంతో నిర్మించిన తయారీ కేంద్రం,, కేవలం ఐదు నెలల్లోనే మొదటి బ్యాచ్ క్షిపణులను తయారు చేసింది. మిస్సైల్ ఇంటిగ్రేష‌న్‌, టెస్టింగ్‌, ఫైన‌ల్ క్వాలిటీ చెకింగ్‌కు కావాల్సిన అన్ని ఆధునిక స‌దుపాయాలు ఉన్నాయి. విజ‌య‌వంతంగా టెస్టింగ్ జ‌రిగిన త‌ర్వాత‌, ఆ మిస్సైళ్ల‌ను భార‌త సైనిక ద‌ళాలు మోహ‌రించ‌నున్నాయి. ల‌క్నోలో జ‌రిగిన కార్య‌క్ర‌మానికి యు.పి ముఖ్యమంత్రి యూపీ సీఎం యోగి ఆదిత్య‌నాథ్, డిప్యూటీ సీఎం బ్ర‌జేశ్ పాత‌క్‌, మంత్రినంద గోపాల్ గుప్తా నంది, ఇత‌ర అధికారులు పాల్గొన్నారు.