పోర్న్ వీడియోలను డౌన్ లోడ్ చేయడం,,వీక్షించడం పోక్సో చట్టం కిందకు వస్తాయి-సుప్రీంకోర్టు
అమరావతి: చిన్నారులకు సంబంధించిన పోర్న్ వీడియోలను డౌన్ లోడ్ చేయడం,,వీక్షించడం లాంటి చర్యలు పోక్సో చట్టం కిందకు వస్తాయని సుప్రీంకోర్టు సోమవారం కీలక తీర్పును వెలువరించింది..చిన్నారులపై లైంగిక వేధింపులను అడ్డుకునే చట్టానికి సంబంధించిన ఆంశంలో అత్యున్నత న్యాయస్థానం ఈ తీర్పు ఇచ్చింది.. చీఫ్ జస్టిస్ డీవై చంద్రచూడ్, జస్టిస్ జేబీ పర్దివాలాతో కూడిన ధర్మాసనం,, చైల్డ్ పోర్న్ వీడియోలను డౌన్లోడ్ చేయడం కానీ, వీక్షించడం కానీ “పోక్సో నేరం కాదు” అని మద్రాసు హైకోర్టు ఇచ్చిన తీర్పును తోసిపుచ్చింది..ఆ తీర్పును ఇవ్వడంలో మద్రాసు కోర్టు తీవ్రమైన తప్పు చేసినట్లు సుప్రీం ధర్మాసనం అభిప్రాయం వ్యక్తం చేసింది..28 ఏళ్ల ఓ వ్యక్తి చైల్డ్ పోర్న్ వీడియోలను తన మొబైల్లో డౌన్లోడ్ చేసిన కేసులో మద్రాసు హైకోర్టు ఆ వ్యక్తిపై నేరాభియోగాన్ని కొట్టివేస్తూ తీర్పునిచ్చింది..సదరు తీర్పును సుప్రీంకోర్టు సరిచేసింది..సంబంధిత వ్యక్తిపై క్రిమినల్ చర్యలు తీసుకోవాలని సుప్రీం తన ఆదేశంలో పేర్కొన్నది.
