అగ్నిపథ్ పథకం సర్వీస్ కాలాన్ని రెండేళ్లు పొడిగించిన కేంద్రం

సేవల్లోకి తీసుకోబడని మిగిలిన 75 శాతం..

నాలుగేళ్లలో సైన్యంలో సుమారు..

కేంద్ర ప్రభుత్వం అగ్నిపథ్ పథకంలో కీలక మార్పులను ప్రకటించింది. దీని ప్రకారం, అగ్నివీరుల సేవా కాలాన్ని ప్రస్తుతం ఉన్న నాలుగేళ్ల కంటే ఎక్కువ కాలానికి పొడిగించడంతో పాటు, అర్హులైన అగ్నివీరులందరూ సాయుధ దళాలలో సాధారణ సైనికులుగా చేరేందుకు మార్గం సుగమం చేసింది.

సేవల్లోకి తీసుకోబడని మిగిలిన 75 శాతం:- చీఫ్ ఆఫ్ డిఫెన్స్ స్టాఫ్ (CDS) జనరల్ ఎన్.ఎస్. రాజా సుబ్రమణి బుధవారం మాట్లాడుతూ, అగ్నివీరుల మొదటి నాలుగు సంవత్సరాల పదవీకాలం ముగిసిన తర్వాత, సేవల్లోకి తీసుకోబడని మిగిలిన 75 శాతం మందికి రెండేళ్ల పొడిగింపు కాలాన్ని కేంద్ర మంత్రివర్గం ఆమోదించిందని తెలిపారు. దీంతో ఆ 75% అగ్నివీర్‌లకు శాశ్వత కేడర్‌లో చేరేందుకు మరో అవకాశం దొరకనుంది. 2022లో ప్రవేశపెట్టిన అగ్నిపథ్ పథకం మంచి ఫలితాలనిచ్చిందని సుబ్రమణి తెలిపారు.

నాలుగేళ్లలో సైన్యంలో సుమారు:- నౌకాదళ అగ్నివీర్‌ల మొదటి బ్యాచ్‌ సర్వీస్ కాలం నవంబరు 21తో, వైమానిక దళ అగ్నివీర్‌ల మొదటి బ్యాచ్‌ సర్వీస్ కాలం డిసెంబరు 21తో, సైన్యం మొదటి బ్యాచ్‌ సర్వీస్ కాలం డిసెంబరు 31తో ముగియనుంది. నాలుగేళ్ల క్రితం ఆర్మీ, నేవీ, ఎయిర్‌ఫోర్స్‌ ల్లో మొదటి విడతలో 24,400 మంది అగ్నివీర్‌లు చేరారు. ఈ పథకం మొదలైనప్పటి నుంచి ఇప్పటివరకూ ఈ నాలుగేళ్లలో సైన్యంలో సుమారు 2,70,000 మంది, వాయుసేనలో 27,000 మంది, నేవీలో 21,000 మంది అగ్నివీర్‌లుగా నియమితులయ్యారు. అగ్నిపథ్ సర్వీస్ కాలంలో కేవలం ఫిట్‌నెస్‌పైనే దృష్టి పెట్టకుండా, నైతిక విలువలు, నైపుణ్యాలూ నేర్పిస్తామని సీడీఎస్ వెల్లడించారు.