భద్రతా మండలిలో తక్షణ సంస్కరణలు అవసరం-ప్రధాని మోదీ
అమరావతి: ప్రపంచంలోని కొన్ని దేశాలు విభజనలతో కనిపిస్తున్న ఈ సమయంలో ఐక్యత, సహకారం, మానవత్వం అనే సందేశాన్ని IBSA అందించగలదని ;ప్రదాన మంత్రి నరేంద్ర మోదీ చెప్పారు.జోహన్నెస్‌బర్గ్‌ లో జరిగిన భారత్‌-బ్రెజిల్-దక్షిణాఫ్రికా-IBSA నేతల శిఖరాగ్ర సమావేశంలో ఆయన పాల్గొన్నారు. దక్షిణాఫ్రికా అధ్యక్షుడు సిరిల్ రామఫోసా, బ్రెజిల్ అధ్యక్షుడు లూలా-డ-సిల్వాలకు ప్రధాని మోవీ ఈ సమావేశంలో పలు ప్రతిపాదనలు చేశారు. ఐక్యరాజ్యసమితి భద్రతా మండలి సంస్కరణలు ఇకపై ఒక ఎంపిక కాదని అవసరమని ప్రధాని నరేంద్ర మోదీ అన్నారు. భారత్‌-బ్రెజిల్-దక్షిణాఫ్రికా దేశాల మధ్య భద్రతా సహకారాన్ని బలోపేతం చేయడానికి NSA-స్థాయి సమావేశాన్ని సంస్థాగతీకరించాలని మోదీ ప్రతిపాదించారు. ఉగ్రవాదంపై పోరాటంలో సమన్వయంతో ముందుకు సాగాలని, ఈ అంశంలో ఎలాంటి ద్వంద్వ ప్రమాణాలకు చోటు లేదని స్పష్టం చేశారు. మానవ కేంద్రీకృత అభివృద్ధిలో సాంకేతికతకు కీలక పాత్ర ఉందని ప్రధాని అన్నారు. మూడు దేశాల మధ్య యూపీఐ, కొవిన్ వంటి సాంకేతిక చొరవలను పంచుకోవడానికి వీలుగా I.B.S.A డిజిటల్ ఇన్నోవేషన్ అలయన్స్‌ ను ఏర్పాటు చేయాలని ప్రధాని ప్రతిపాదించారు.
దక్షిణాఫ్రికా అధ్యక్షుడితో:- తొలుత G-20 శిఖరాగ్ర సదస్సులో భాగంగా దక్షిణాఫ్రికా అధ్యక్షుడు సిరిల్ రామఫోసాతో భారత్‌ ప్రధాని నరేంద్ర మోదీ సమావేశమయ్యారు. రెండు దేశాల మధ్య వాణిజ్యం, పెట్టుబడులు, ఆహార భద్రత,AI వంటి రంగాల్లో సహకారాన్ని బలోపేతం చేసుకోవడంపై ఇరు దేశాధినేతలు చర్చించారు. మోదీ-రామఫోసా మధ్య ఫలప్రదమైన సమావేశం జరిగిందని భారత్‌ విదేశాంగశాఖ వెల్లడించింది.
