కేంద్రం,రాష్ట్రాలు కలిసి టీంఇండియా లాగా కలిసి పనిచేస్తే, ఏ లక్ష్యం అసాధ్యం కాదు-ప్రధాని మోదీ

అమరావతి: కేంద్రం,రాష్ట్రాలు కలిసి టీంఇండియా లాగా కలిసి పనిచేస్తే, ఏ లక్ష్యం అసాధ్యం కాదని,భారతదేశం అభివృద్ధి చెందిన దేశంగా అవతరించడం ప్రతి భారతీయుడి కల అన్నారు..’వికసిత్ రాజ్య ఫర్ వికసిత్ భారత్@2047′ అనే అంశంపై శనివారం న్యూఢిల్లీలోని భారత్ మండపంలో జరిగిన 10వ నీతి ఆయోగ్ పాలక మండలి సమావేశానికి ప్రధానమంత్రి నరేంద్ర మోదీ అధ్యక్షత వహించారు..ఈ సందర్భంగా ప్రధాని మోదీ ప్రసంగిస్తూ దేశంలోని ప్రతి రాష్ట్రం అభివృద్ధి చెందినప్పుడే భారతదేశం వేగంగా అభివృద్ధి చెందుతుందన్నారు..ఈ కల 140 కోట్ల మంది దేశప్రజల ఆకాంక్ష అని అన్నారు..మనం వేగంగా అభివృద్ధి చెందేందుకు వడివడిగా అడుగులు వేయాల్సి అవసరం వుందని అన్నారు..కేంద్రం,,అన్ని రాష్ట్రాలు టీమిండియా లాగా కలిసి పనిచేస్తే,,ఏ లక్ష్యాన్ని అయిన సాధించవచ్చాన్నారు..

ఒక పర్యాటక కేంద్రాన్నిఅభివృద్ధి చేయాలి:- కేంద్రం, అన్ని రాష్ట్రాలు కలిసి కట్టుగా పనిచేసి,, ప్రపంచ దేశాలకు ఆదర్శంగా నిలవాలని ప్రధాని మోదీ అన్నారు.. ప్రతి రాష్ట్రం ప్రపంచ ప్రమాణాలకు అనుగుణంగా కనీసం ఒక పర్యాటక కేంద్రాన్ని అభివృద్ధి చేయాలని,,అక్కడ అన్ని సౌకర్యాలు,,మౌలిక వసతులు అందుబాటులో ఉండేలా తీర్చిదిద్దాలని కోరారు..రాష్ట్రం పర్యాటక రంగాన్ని పెంచితే సమీప నగరాల అభివృద్ధికి కూడా దారితీస్తుందన్నారు..భారతదేశం పట్టణీకరణ వైపు వేగంగా సాగుతోందని,, ఇలాంటి సమయంలోనే భవిష్యత్ నగరాలను సిద్దం చేసేందుకు మనం కృషి చేయాలన్నారు.. అభివృద్ధి,, ఆవిష్కరణలు,, స్థిరత్వం మన నగరాల చోదక శక్తిగా మారాలని ప్రధాని మోదీ అకాంక్షించారు..ఆపరేషన్ సింధూర్ తర్వాత అన్ని రాష్ట్రాల ముఖ్యమంత్రులు, కేంద్రపాలిత ప్రాంతాల లెఫ్టినెంట్ గవర్నర్లతో ప్రధానమంత్రి నిర్వహిస్తున్న మొదటి ప్రధాన సమావేశం..ఈ సమావేశానికి బీహార్, కర్ణాటక, పశ్చిమ బెంగాల్ రాష్ట్రాల ముఖ్యమంత్రులు హాజరు కాలేదు..

స్వర్ణాంధ్రపై ప్రజెంటేషన్‌ పై ప్రశంసలు:- నీతి ఆయోగ్ పాలకమండలి సమావేశంలో ముఖ్యమంత్రి చంద్రబాబు స్వర్ణాంధ్రపై ప్రజెంటేషన్‌ ఇచ్చారు.. రాష్ట్రంలో ఇప్పటి వరకు సాధించిన ప్రగతిని వివరించారు..ఏపీ ప్రతిపాదనలను ఇతర రాష్ట్రాలు పరిశీలించాలని ఈ సందర్భంగా ప్రధాని మోదీ సూచించారు..ఏ.పి 2.4 ట్రిలియన్ డాలర్ల ప్రగతి లక్ష్యంతో ప్రణాళికలు సిద్ధం చేశామని,,గూగుల్, AI టెక్నాలజీని వాడుతున్నామని తెలిపారు..2029 నాటికి పేదరిక నిర్మూలనే తమ లక్ష్యమని తెలిపారు..సీ.ఎం చంద్రబాబు ఇచ్చిన ప్రజెంటేషన్‌పై పలువురు ప్రశంసలు కురిపించారు.