విజయవాడలో మావోయిస్టుల కలకలం-కూలీల పేరుతో షెల్టర్
2-
విజయవాడలో మావోయిస్టుల కలకలం-కూలీల పేరుతో షెల్టర్
అమరావతి: విజయవాడ నగర శివారు కానూరు కొత్త ఆటోనగర్‌లో మంగళవారం కేంద్ర బలగాలు,, పోలీసులు సంయుక్తంగా ఆకస్మిక తనిఖీలు చేసట్టి,, ఛత్తీస్‌గఢ్‌కు చెందిన 27 మంది మావోయిస్టులను అరెస్ట్ చేశారు. ఓ భవనాన్ని షెల్టర్‌గా చేసుకుని మావోయిస్టులు ఉన్నట్లు సమాచారం అందడంతో ఆ ప్రాంతంలో తనిఖీలు చేపట్టారు. అరెస్ట్ అయిన మావోయిస్టుల్లో 12 మంది మహిళలు, నలుగురు కీలక హోదాల్లోని వ్యక్తులు ఉన్నట్లు సమాచారం. 11 మంది సానుభూతిపరులు, మిలీషియా సభ్యులు ఉన్నట్లు తెలుస్తోంది. నాలుగు చోట్ల డంప్‌లు ఏర్పాటు చేసినట్లు పోలీసులకు సమాచారం అందింది. వాటిని స్వాధీనం చేసుకునేందుకు విస్తృతంగా గాలింపు చేపట్టారు. వీరంతా మావోయిస్టు అగ్రనేత మద్వి హిడ్మా అనుచరులుగా బావిస్తున్నారు.అలాగే కాకినాడలో కూడా నాలుగురిని అదుపులోకి తీసుకున్నారు.
కూలీ పనుల కోసం:- స్థానిక పోలీసుల సాయంతో ఆక్టోపస్‌, గ్రేహండ్స్‌ బలగాలు కొత్త ఆటోనగర్‌ను ఆధీనంలోకి తీసుకుని సోదాలు చేస్తున్నారు.విజయవాడ ఆటోనగర్‌లో చాలా మంది వలస కూలీలు వచ్చి కర్మాగారాల్లో పని చేస్తుంటారు. ముఖ్యంగా బిహార్‌, చత్తీస్‌గఢ్‌,,అస్సాం నుంచి ఇక్కడి వస్తుంటారు..దింతో ఎవరికీ అనుమానం రాదు కాబట్టి అందుకే ఈ ప్రాంతంను సురక్షిత ప్రాంతంగా మావొయిస్టులు భావించినట్లు తెలుస్తోంది. భవన యజమాని కోసం పోలీసుల ఆరా తీశారు. అతడు నెలన్నర నుంచి విదేశాల్లో ఉంటున్నట్లు తెలిసింది. పది రోజుల క్రితం ఈ ప్రాంతానికి మావోయిస్టులు వచ్చినట్లు అనుమానం వ్యక్తం చేస్తున్నారు. కూలీ పనుల కోసం వచ్చామంటూ, అద్దెకు ఉంటామని మావోయిస్టులు ఈ భవనంలోకి ప్రవేశించినట్లు తెలుస్తోంది. ఈ మేరకు వాచ్‌మెన్‌ను అదుపులోకి తీసుకుని పోలీసులు ప్రశ్నిస్తున్నారు.
స్వాధీనం చేసుకున్న ఆయుధాలు:- ఏకే-47- 2,,,పిస్టల్‌-1,,,రివాల్వర్‌-1,,,సింగిల్‌ బోర్‌ ఆయుధం-1,,,ఎలక్ట్రికల్ డిటోనేటర్లు-1525,,,నాన్ ఎలక్ట్రికల్ డిటోనేటర్లు-150,,,ఎలక్ట్రికల్ వైర్ బండిల్-1,,,కెమెరా ఫ్లాష్ లైట్-1,,,కటింగ్‌ బ్లేడ్-1,,, ఫ్యూజ్ వైర్-25 మీటర్లు,,,కిట్ బ్యాగులు ఉన్నాయి.
