దేశ రక్షణ రంగం మరింత బలోపేతం-రూ.2,12 లక్షల కోట్ల ప్రతిపాదనలకు అమోదం

అమరావతి: రక్షణ మంత్రి రాజ్‌నాథ్ సింగ్ అధ్యక్షతన సోమవారం జరిగిన డిఫెన్స్ అక్విజిషన్​ కౌన్సిల్​ (DAC), సాయుధ దళాల కోసం సుమారు రూ. 2,12,000 కోట్ల విలువైన నిధుల సమీకరణ ప్రతిపాదనలకు ‘అవసరమైన ఆమోదం’ (ఏఓఎన్) మంజూరు చేసింది. ఈ ప్రతిపాదన ఆమోదంతో దేశీయంగ డిఫెన్స్ తయారీ రంగంకు ప్రోత్సాహాన్ని ఇచ్చింది. రక్షణ మంత్రిత్వ శాఖ తెలిపిన వివరాల ప్రకారం, ఆమోదించిన ప్రతిపాదనల ప్రకారం దాదాపు 82% రక్షణ పరికరాలు భారతీయ పరిశ్రమల నుండే కొనుగొలు చేస్తారు.

రక్షణ మంత్రిత్వ శాఖ ప్రతిపాదనల ఆమోదించడంతో, భారత సైన్యం కోసం హై మొబిలిటీ వాహనాలు, సెల్ఫ్​-ప్రొపెల్డ్ ట్రాక్డ్​గన్​ సిస్టమ్​, తేలికపాటి మల్టీ-రోల్​ హెలికాప్టర్లు, స్వల్ప శ్రేణి వాయు రక్షణ వ్యవస్థ, కౌంటర్​ అన్​మ్యాన్డ్​ ఏరియల్ సిస్టమ్ (సీ-యూఏఎస్​) కొనుగోలుకు ఆమోదం లభించింది. అలాగే భారత సైన్యం కోసం ఇతర మానవ రహిత వైమానిక వ్యవస్థలు, నిఘా విమానాలు, సమీకృత నిఘా, దాడి వ్యవస్థలు, లాంగ్​-రేంజ్​ కామికాజీ డ్రోన్ వ్యవస్థలు కొనుగోలుకు డీఏసీ ఆమోదం తెలిపింది. అలాగే భారత నౌకాదళం కోసం యాక్టివ్ ఆఫ్​బోర్డ్​ డెకాయ్​ సిస్టమ్ (AODS), ఇతర ప్రధాన నౌకాదళ ప్లాట్​ఫారమ్​ల కొనుగోలుకు కూడా ఆమోదం లభించింది. అలాగే భారత వైమానిక దళం కోసం హెలికాప్టర్లు, వాయు రక్షణ వ్యవస్థలు, రాడార్ల సేకరణకు డీఏసీ ఆమోదం తెలిపింది. ఈ రక్షణ పరికరాల్లో దాదాపు 82 శాతం భారత పరిశ్రమల నుంచే కొనుగోలు చేయనున్నారు.