బుసాన్ లో చైనా అధ్యక్షుడు షీ జిన్‌పింగ్‌తొ సమావేశం అయిన ట్రంప్

సుంకాలను 10 శాతం తగ్గిస్తున్నాం..

అమరావతి: అమెరికా అధ్యక్షుడు డొనాల్డ్ ట్రంప్, చైనా అధ్యక్షుడు షీ జిన్‌పింగ్‌లు దక్షిణ కొరియాలోని బుసాన్ వేదికగా గురువారం సౌత్ కొరియాలోని బుసన్ లో జరుగుతున్న ఆసియా-పసిఫిక్ ఆర్థిక సహకారం సదస్సులో దాదాపు 2 గంటలపాటు సమావేశం అయ్యారు. ఈ భేటీలో ఇద్దరు దేశాధినేతలు కీలక అంశాలపై చర్చించి సానుకూల నిర్ణయాలు తీసుకున్నారు. జిన్ పింగ్ తో భేటీ అనంతరం డొనాల్డ్ ట్రంప్ చైనాకు గుడ్ న్యూస్ చెబుతూ కీలక ప్రకటన చేశారు. చైనాపై సుంకాలను 10 శాతం తగ్గిస్తున్నట్లు అధికారికంగా ప్రకటించారు. ఫెంటనిల్ తయారీలో వాడే ముడి ఉత్పత్తుల రవాణాను కట్టడి చేసేందుకు జిన్‌పింగ్ తీవ్రంగా శ్రమిస్తారని భావిస్తున్నానని,, అందుకే ఫెంటనిల్ పేరుతో చైనాపై విధించిన 20 శాతం సుంకాలను 10 శాతంకు తగ్గిస్తున్నామని డొనాల్డ్ ట్రంప్ పేర్కొన్నారు. దీంతో చైనాపై మొత్తం టారిఫ్ లు 57 శాతం నుంచి 47 శాతంకు దిగిరానున్నాయని తెలిపారు.

జిన్ పింగ్ తో భేటీ అద్భుతంగా జరిగిందని,,పలు అంశాలపై సుదీర్ఘంగా చర్చించామని చెప్పారు. అమెరికా సోయాబీన్ ఉత్పత్తుల కొనుగోళ్లను చైనా తక్షణమే పునరుద్దరించేందుకు కూడా అంగీకారం కుదిరిందని,,అలాగే అరుదైన ఖనిజాలకు సంబంధించిన సమస్య కూడా పరిష్కారమైందని ట్రంప్ అన్నారు. మరిన్ని చర్చల కోసం ఏప్రిల్ నెలలో చైనా వెళతానని ట్రంప్ ప్రకటించారు.