మరణం తర్వాత పునర్జన్మ పొందుతాను టిబెటన్ ఆధ్యాత్మిక గురువు దలైలామా

చైనాకు ఎదురు దెబ్బ…
అమరావతి: టిబెటన్ ఆధ్యాత్మిక గురువు దలైలామా బుధవారం తన వారసుడి విషయంలో ఒక చారిత్రాత్మక ప్రకటన చేశారు..తన తరువాత కూడా ‘దలైలామా’ పరంపర కొనసాగుతుందని స్పష్టం చేస్తూ,, ఆ వారసుడిని ఎంపిక చేసే అధికారం చైనాకు ఏ మాత్రం లేదని స్పష్టం చేశారు..ఈ ప్రకటన ఇప్పుడు అంతర్జాతీయంగా తీవ్ర చర్చనీయాంశంగా మారింది..తన 90వ పుట్టిన రోజుకు కొన్ని రోజుల ముందు,,దలైలామా ఈ కీలకమైన ప్రకటన చేస్తూ నా వారసుడిని గుర్తించే పవిత్రమైన బాధ్యత కేవలం నేను ఏర్పాటు చేసిన “గదెన్ ఫోడ్రాంగ్ ట్రస్ట్”కు మాత్రమే ఉంటుందన్నారు..ఈ విషయంలో ఇతరులు జోక్యం చేసుకోవడానికి వీల్లేదని,,ఈ విషయంపై నేను స్పష్టమైన లిఖితపూర్వక ఆదేశాలు కూడా జారీ చేస్తాను అని ఆయన ప్రకటించారు..
ఆధ్యాత్మిక గురువు అయిన దలైలామా (14వ) టెన్జిన్ గ్యాట్సో, 1959లో చైనా ఆక్రమణ తరువాత టిబెట్‌ను విడిచి భారత్‌లో స్థిరపడ్డారు..అప్పటి నుంచి ధర్మశాల కేంద్రంగా ఆధ్యాత్మిక బోధనలు చేస్తున్నారు..14వ దలౌలాయా తరువాత 15వ దలైలామాను తామే ఎంపిక చేస్తామని,, ఆ అధికారం తమకే ఉందని చైనా ఎప్పటినుంచో వాదిస్తోంది..ఈ విషయమై దలైలామా తన వారసుడి ఎంపిక ప్రక్రియలో చైనా జోక్యాన్ని పూర్తిగా తీరస్కరించారు..టిబెటన్ బౌద్ధ సంప్రదాయం ప్రకారం, దలైలామాను పునర్జన్మ ద్వారా గుర్తిస్తారు.. ఒక దలైలామా మరణించిన తరువాత, ఉన్నత స్థాయి బౌద్ధ గురువులు కొన్ని సంకేతాల ఆధారంగా ఆయన ఎక్కడ,, ఏ రూపంలో పునర్జన్మించారో కనుగొని,,ఆ బాలుడిని తదుపరి దలైలామాగా ప్రకటిస్తారు..ఈ పవిత్రమైన ప్రక్రియను రాజకీయ లబ్ధి కోసం వాడుకోవాలని చూస్తున్న చైనా ప్రయత్నాలను అడ్డుకోవడమే దలైలామా తాజా ప్రకటన ఉద్దేశం..నోబెల్ శాంతి బహుమతి గ్రహీత దలైలామా 600 సంవత్సరాల పురాతన సంప్రదాయంను కాపాడుకునేందుకు దలైలామా లాంటి నిర్దేశకుడు లేకుండా పోతాడు అని భవిష్యత్తు గురించి భయపడ్డారు..ఈ ప్రకటన టిబెటన్లకు దిశ నిర్దేశన చేసింది.