ఢిల్లీలో హరిత పటాకులు కాల్చుకునేందుకు అనుమతుల ఇచ్చిన సుప్రీం కోర్టు

అమరావతి: దేశ రాజధాని ప్రాంతాల్లో హరిత బాణాసంచా అమ్మకాలతో పాటు వాటిని కాల్చుకోవడానికి సుప్రీం కోర్టు బుధవారం అనుమతి ఇస్తూ అదేశాలు జారీ చేసింది. బాణాసంచా తయారీ,,అమ్మకాలపై ఉన్న నిషేధాన్ని తీసివేయాలంటూ దాఖలైన పలు పిటిషన్లపై భారత ప్రధాన న్యాయమూర్తి జస్టిస్‌ బీఆర్‌ గవాయ్‌,,కె వినోద్ చంద్రన్ లతో కూడిన ద్విసభ్య ధర్మాసనం విచారణ జరిపింది..

అక్టోబర్‌ 18వ తేది నుంచి 21వ తేది వరకు మాత్రమే గ్రీన్‌క్రాకర్ల వినియోగానికి అనుమతిస్తున్నట్లు ధర్మాసనం స్పష్టం చేసింది.. సాయంత్రం 6 గంటల నుంచి రాత్రి 10 గంటల లోపే వాటిని కాల్చాలని అదేశాల్లో పేర్కొంది.. ఆన్‌లైన్‌లో ఎట్టి పరిస్థితుల్లో బాణాసంచా అమ్మకాలు జరగకూడదని స్పష్టం చేసింది.. సాధారణ పటాకుల అక్రమ రవాణా జరుగుతోందని,,నిర్దేశిత ప్రమాణాలు లేకపోవడంతో వాటి వల్ల ఎక్కువ నష్టం జరిగే అవకాశం ఉండటాన్ని పరిగణనలోకి తీసుకుని హరిత బాణాసంచా వినియోగానికి అనుమతిస్తున్నట్లు పేర్కొంది..ఇంత కాలం హరిత పటాకులపై నిషేధం ఉన్నప్పటికి,ఢిల్లీలో వాయు నాణ్యతలో పెద్ద తేడా కనిపించలేదని తెలిపింది.. అనుమతించిన క్యూఆర్​ కోడ్లను కలిగి ఉన్న పటాకులను మాత్రమే అమ్మేలా నిరంతరం పోలీసులు నిఘా ఉంచాలని సూచించింది.. ఈ సమయంలో కాలుష్య నియంత్రణ సంస్థలు,, గాలి నాణ్యతా సూచీని ఎప్పటికప్పుడు పర్యవేక్షించి,,నివేదిక సమర్పించాలని అధికారులను ఆదేశించింది.

దిల్లీ సీఎం రేఖా గుప్తా:-సుప్రీం కోర్టు ఇచ్చిన తీర్పును దిల్లీ సీఎం రేఖా గుప్తా స్వాగతించారు..దీపావళి పండుగ సందర్భంగా ప్రజల మనోభావాలను గౌరవించి, సుప్రీం కోర్టు ఇచ్చిన తీర్పుగా అభివర్ణించారు..ఇది పర్యావరణ పరిరక్షణ పట్ల సమతుల్యతను చూపుతుందని పేర్కొన్నారు.