సర్దార్ వల్లభాయ్ పటేల్ 150వ జయంతి-దేశ సమైక్యతకు చోదక శక్తి-ప్రధాని మోదీ
అమరావతి: భారతదేశపు ఉక్కుమనిషి స్వాతంత్ర సమరయోధులు, స్వాతంత్రానంతరం సంస్థానాల విలీనానికి కృషి చేసిన భారత మాజీ ఉపప్రధాని,,మాజీ హోం మంత్రి సర్దార్ వల్లభాయ్ పటేల్ 150వ జయంతి జాతీయ ఐక్యతా దినోత్సవం సందర్భంగా శుక్రవారం గుజరాత్‌లోని ఏకతా నగర్‌లో శుక్రవారం ఉదయం సర్దార్ పటేల్ 597 అడుగుల భారీ ఐక్యతా విగ్రహం వద్ద ప్రధాని నరేంద్ర మోదీ నివాళులర్పించారు..పటేల్ పాదాల వద్ద పూలు,, అజ్యం సమర్పించారు..అనంతరం వేడుకలకు విచ్చేసిన పౌరులు,, అధికారులతో ఏకతా దివస్‌ ప్రతిజ్ఞ చేయించారు.. అదే సమయంలో అధికారులు హెలికాప్టర్‌ నుంచి సర్దార్ వల్లభ్బాయ్‌ పటేల్ విగ్రహంపై పూలవర్షం కురిపించారు.
సిమ్రాన్ భరద్వాజ్ నాయకత్వం:- అనంతరం గణతంత్ర దినోత్సవం(రిపబ్లిక్ డే) తరహాలో నిర్వహించే త్రివిధ దళాల వందనం స్వీకరించారు..ఈ కవాతులో BSF,,CRPF,,CISF,,ITBP,,SSBకి చెందిన విభాగలు పాల్గొన్నాయి..పోలీసులు, సాయుధ బలగాల్లోని మహిళా అధికారులతో ఏర్పాటు చేసిన బృందాల నుంచి ప్రధాని మోదీ గౌరవ వందనం స్వీకరించారు.. గౌరవ వందనానికి గుజరాత్ కేడర్ ఐపీఎస్ అధికారి సిమ్రాన్ భరద్వాజ్ నాయకత్వం వహించారు. సీఆర్‌పీఎఫ్‌కు చెందిన ఐదుగురు శౌర్య చక్ర అవార్డు గ్రహీతలను మోదీ సత్కరించారు.
సమైక్యతకు చోదక శక్తి:- సోషల్ మీడియాలో మోదీ ట్వీట్ చేశారు. “సర్దార్ వల్లభాయ్ పటేల్ 150వ జయంతి సందర్భంగా భారతదేశం ఆయనకు నివాళులు అర్పిస్తోంది..భారతదేశ సమైక్యతకు చోదక శక్తిగా ఆయన నిలిచారు..జాతీయ సమగ్రత,,సుపరిపాలన,, ప్రజా సేవ పట్ల ఆయన అచంచలమైన నిబద్ధత తరతరాలకు స్ఫూర్తినిస్తూనే ఉంటుందన్నారు.. బలమైన,, స్వావలంబన భారతదేశం అనే ఆయన దార్శనికతను నిలబెట్టాలనే మా సమష్టి సంకల్పాన్ని కూడా మం పునరుద్ఘాటిస్తున్నాం” అని పేర్కొన్నారు..
ప్రతి సంవత్సరం సర్దార్ పటేల్ జయంతి నాడు:- రెండు రోజుల పర్యటన నిమిత్తం నర్మదా జిల్లాలోని ఏకతా నగర్‌కు గురువారం సాయంత్రం చేరుకున్న ప్రధాని మోదీ అక్కడ సుమారు రూ.1,220 కోట్ల వ్యయంతో చేపట్టనున్న వివిధ ప్రాజెక్టులకు శంకుస్థాపన చేశారు..ఇప్పటికే పూర్తి చేసిన పనులకు ప్రారంభోత్సవాలు చేశారు.. అనంతరం సర్దార్ వల్లభ్‌భాయ్‌ పటేల్ మనవడు గౌతమ్‌ పటేల్‌ను,, ఆయన కుటుంబ సభ్యులను కలిసినట్లు ప్రధాని మోదీ సామాజిక మాధ్యమం ఎక్స్‌ ద్వారా వెల్లడించారు..ఇక నుంచి ప్రతి సంవత్సరం సర్దార్ పటేల్ జయంతి నాడు ఏకతా నగర్‌లో సాయుధ దళాల కవాతు జరుగుతుందని హోం మంత్రి అమిత్‌ షా వెల్లడించారు.
కాంగ్రెస్‌ చేసిన తప్పు వల్ల కశ్మీర్‌లో కొంతభాగాన్ని:- స్వాతంత్ర్య, గణతంత్ర దినోత్సవాల లాగానే జాతీయ ఐక్యత దినోత్సవాన్ని జరుపుకుంటున్నామన్నారు.. దేశ సమగ్రతకు నక్సలిజం ముప్పుగా పరిణమించిందని,,దాన్ని అంతం చేస్తున్నామని తెలిపారు..పటేల్ దూరదృష్టిని కాంగ్రెస్‌ మరచిపోయిందని,,సర్దార్ పటేల్ అభిప్రాయాలను నెహ్రూ గౌరవించలేదని వెల్లడించారు..కాంగ్రెస్‌ చేసిన తప్పు వల్ల కశ్మీర్‌లో కొంతభాగాన్ని పాకిస్థాన్‌ ఆక్రమించిందని తెలిపారు..ప్రస్తుతం చొరబాటుదారులతో కలిసి విపక్షాలు రాజకీయాలు చేస్తున్నాయని మండిపడ్డారు.. భారత్‌ చేపట్టిన ఆపరేషన్‌ సిందూర్‌ తో మన బలాన్ని ప్రపంచమంతా చూసిందన్నారు.
