ఇరాన్ నూతన సుప్రీం లీడర్ అయతొల్లా మొజ్తాబాకు అభినందనలు తెలిపిన పుతిన్
ఇరాన్ కు అండగా వుంటాం..
అమరావతి: ఇరాన్ సుప్రీం లీడర్ అయతొల్లా ఖమేని కుమారరుడైన అయతొల్లా మొజ్తాబా ఖమేని నూతన అధ్యక్షడుగా ఎన్నిక కావడంపై రష్యా అధ్యక్షుడు వ్లాదిమిర్ పుతిన్ అభినందనలు తెలిపారు. ఇరాన్కు మద్దతుగా ఉంటామని పుతిన్ హామీ ఇచ్చారు. ఈ విషయమై సోమవారం పుతిన్ ప్రకటన విడుదల చేశారు.‘‘ఇరాన్ సుప్రీం లీడర్గా ఎన్నికైన మొజ్తాబాకు శుభాకాంక్షలు. ఈ క్లిష్ట సమయంలో ఇరాన్కు రష్యా అండగా నిలబడుతుంది. ఇరాన్లోని మా స్నేహితులకు, వారి సమగ్రతకు రష్యా మద్దతుగా ఉంటుంది. మొజ్తాబా తన తండ్రి వారసత్వాన్ని కొనసాగిస్తూ, ఇరాన్ ప్రజల్ని ఏకతాటిపైకి తెస్తారని భావిస్తున్నాం. యుద్ధం కొనసాగుతున్న సమయంలో నాయకత్వం వహించడానికి మొజ్తాబాకు గొప్ప ధైర్యం, పట్టుదల కావాలి’’ అని పుతిన్ తన సందేశంలో పేర్కొన్నారు.
ఒకవైపు మొజ్తాబా ఎన్నికపై అమెరికా అధ్యక్షుడు ట్రంప్ ఆగ్రహం వ్యక్తం చేస్తుంటే, రష్యా మాత్రం మద్దతుగా నిలవడం విశేషం. ఈ యుద్ధ సమయంలో ఇరాన్కు రష్యా నైతిక మద్దతు ప్రకటించింది. ఇటీవలే ఇరాన్ అధ్యక్షుడు మసౌద్ పెజెష్కియన్తో పుతిన్ ఫోన్లో మాట్లాడారు. దాడుల్లో మరణించిన ఖమేనీ, అతడి కుటుంబ సభ్యులు, ఇరాన్ ప్రజలు, సైనికులకు పుతిన్ సంతాపం తెలిపారు. మొజ్తాబా ఎన్నికతో అతడి మద్దతుదారులు ఇరాన్లో సంబరాలు చేసుకుంటున్నారు.
