NATIONAL

కాంక్రీట్ లో కూరుకుని పోయిన రాష్ట్రపతి ద్రౌపది ముర్ము హెలికాప్టర్ వీల్

అమరావతి: కేర‌ళ ప‌ర్య‌ట‌న‌లో ఉన్న రాష్ట్ర‌ప‌తి ద్రౌప‌ది ముర్ము బుదవారం అయ్యప్ప స్వామిని దర్శనం చేసుకునేందుకు శ‌బ‌రిమ‌ల‌కు ప్ర‌మ‌దం నుంచి పంబ వ‌ర‌కు కాలిన‌డ‌క‌న వెళ్లారు. ప్రమదం ప‌ట్ణంలోని రాజీవ్ గాందీ ఇండోర్ స్టేడియం వద్ద నిర్మించిన హెలిప్యాడ్‌లో హెలికాప్ట‌ర్ దిగిన స‌మ‌యంలో దాని చ‌క్రం అందులో కూరుకుని పోయింది. సంఘటనా స్థలంలో మోహరించిన పోలీసులు,,అగ్నిమాపక శాఖ సిబ్బంది హెలికాప్టర్‌ను కూరుకుని పోయిన ప్రదేశం నుండి బయటకు నెట్టారు.

రాష్టపతి పర్యాటనకు వస్తున్న నేపధ్యంలో పంబ‌కు స‌మీపంలో ఉన్న నీల‌క్క‌ల్‌లో తొలుత ల్యాండింగ్ ఏర్పాటు చేశామ‌ని, కానీ ప్ర‌తికూల వాతావ‌ర‌ణం వ‌ల్ల ల్యాండింగ్ ప్ర‌దేశాన్ని ప్ర‌మ‌దంకు మార్చిన‌ట్లు ఆధికారి వెల్ల‌డించారు. కొత్త‌గా హెలిప్యాడ్‌ను నిర్మించ‌డం వ‌ల్ల‌,, దాని కోసం వేసిన కాంక్రీట్ ఇంకా ఆర‌లేద‌ని, హెలికాప్ట‌ర్ బ‌రువును అది త‌ట్టుకోలేక‌పోయింద‌ని తెలిపారు. వీల్స్ తాకిన ప్ర‌దేశంలో కాంక్రీట్ కుంగిపోయింద‌ని, దీంతో వీల్స్ చిక్కుకుపోయిన‌ట్లు తెలిపారు.

Spread the love

Leave a Reply

Your email address will not be published. Required fields are marked *