ఢిల్లీలో ఆక్రమంగా రివాల్వర్స్ ను స్మగ్లింగ్ చేస్తున్న ముఠా అరెస్ట్
అమరావతి: ఢిల్లీలో విదేశాల నుంచి అక్రమంగా ఆయుధాలను రవాణా చేస్తున్న ముఠా సభ్యులను ఢిల్లీ పోలీసు క్రైమ్‌ బ్రాంచ్‌ అరెస్ట్ చేశారు.ముఠా పాకిస్థాన్‌ నుంచి డ్రోన్ల సాయంతో సరిహద్దులు దాటించి అక్కడి నుంచి అక్రమంగా ఆయుధాలను భారత్‌లోకి తరలిస్తున్నట్టు గుర్తించారు. వీరు పంజాబ్‌ సరిహద్దుల గుండా డ్రోన్ల ద్వారా పాకిస్తాన్‌ నుంచి ఆయుధాలను సేకరించి వాటిని లారెన్స్ బిష్ణోయ్ గ్యాంగ్‌కు ఇవ్వాలని ప్లాన్‌ చేసినట్టు పోలీసులు కనుగొన్నారు. వీరిని అదుపులోకి తీసుకొని విచారించగా వీళ్లు లారెన్స్ బిష్ణోయ్, బంబీహా, గోగీ, హిమాంశు భౌ గ్యాంగ్‌లకు సరఫరా చేసినట్లు అనుమానిస్తున్నారు. ఈ స్మగ్లింగ్ గ్యాంగ్‌కు పాక్తిస్తాను ISIతో సంబంధాలు ఉన్నట్లు, పాకిస్తాన్‌ మార్గంగా టర్కీ, చైనా దేశాల్లో తయారైన హై-ఎండ్‌ పిస్టల్స్‌ భారత్‌కు సప్లై అవుతున్నాయని పోలీసులు భావిస్తున్నారు. పల్లుబడిన నలుగురు నిందితులు,, అజయ్, మన్దీప్, దల్వీందర్ , రోహన్‌గా దిల్లీ పోలీసులు పేర్కొన్నారు.వీరి నుంచి 10 విదేశీ విలువైన పిస్టల్స్‌, 92 బుల్లెట్స్‌ను పోలీసులు స్వాధీనం చేసుకున్నారు. వీరి మొబైల్‌ రికార్డులు, బ్యాంక్‌ వివరాలు, సోషల్‌ మీడియా ఆధారంగా మిగతా సభ్యుల లింకులు, వారి నెట్‌వర్క్‌ ను కూడా దర్యాప్తు సంస్థలు పరిశీలిస్తున్నాయి.
