దేశంలో భారీ కుట్రకు ప్రణాళిక-నాలుగురు ఉగ్రవాదులను అరెస్ట్ చేసిన యాంటీ-టెర్రరిస్ట్ స్క్వాడ్

అమరావతి: నకిలీ కరెన్సీ రాకెట్‌ను నడుపుతూ, ప్రపంచంలో ఉగ్రవాద భావజాలాన్ని వ్యాప్తి చేస్తున్న అల్-ఖైదాతో సంబంధం ఉన్న నలుగురు ఉగ్రవాదులను గుజరాత్ యాంటీ-టెర్రరిస్ట్ స్క్వాడ్ (ATS) బుధవారం అరెస్టు చేసింది.. వీరిలో ఒకరిని ఢిల్లీలో, మరొకరిని నొయిడాలో, మరో ఇద్దరిని గుజరాత్‌లోని అహ్మదాబాద్, మోడాసాలో, గుజరాత్ యాంటీ-టెర్రర్ స్క్వాడ్ అరెస్టు చేశారు.. భారతదేశంలో భారీ ఉగ్ర కుట్రకు ఈ నాలుగురు ఉగ్రవాదులు ప్రణాళికలు రచిస్తున్నట్లు తెలుస్తొంది..

ఆటో-డిలీట్ యాప్‌లు:- ఉగ్రవాద నిందితులు అయిన మొహమ్మద్ ఫైక్, మొహమ్మద్ ఫర్దీన్, సెఫుల్లా కురేషి, జీషన్ అలీలు అల్-ఖైదా భావజాలాన్ని వ్యాప్తి చేయడానికి సోషల్ మీడియా ప్లాట్‌ఫామ్‌లను,అనుమానాస్పద యాప్‌లను ఉపయోగించారని సంబంధిత వర్గాలు తెలిపాయి..నిందితులకు చాలా కాలంగా ఉగ్రవాద సంస్థతో సంబంధం ఉందని గుజరాత్ ATS అధికారులు తెలిపారు..వారు సోషల్ మీడియా ప్లాట్‌ఫామ్‌ల ద్వారా అల్-ఖైదాతో సంబంధాలు పెట్టుకున్నారని తెలిపారు..వీరు ఉపయోగించే కమ్యూనికేషన్ ఆనవాళ్లు లేకుండా చేయడానికి, ఆటో-డిలీట్ యాప్‌లను ఉపయోగించారని తెలిపాయి..రాష్ట్రంలో ఉగ్రవాద కార్యకలాపాల గురించి చర్చిస్తున్నట్లు గుర్తించిన తర్వాత ఈ నలుగురు ATS వలపన్ని పట్టుకున్నదని వెల్లడించారు..చాట్‌లు,,సోషల్ మీడియా హ్యాండిల్స్‌ ను విశ్లేషిస్తున్నట్లు గుజరాత్ ATS తెలిపింది..నలుగురు అనుమానిత ఉగ్రవాదులను విచారిస్తున్నట్లు తెలిపారు..

ఉగ్రవాదులకు నిధులు:- ఒసామా బిన్ లాడెన్ గురువు షేక్ అబ్దుల్లా అజ్జాం, ఆఫ్ఘనిస్తాన్‌లోని ఉగ్రవాదులకు నిధులు సమకూర్చడానికి ఒక సంస్థగా సృష్టించాడని తెలిపారు..ఇవి  అల్-ఖైదా మఖ్తాబ్ అల్-ఖిదామత్ అనుభంధ సంస్ధలుగా వాటి ఉగ్ర కార్యకలపాలను నిర్వహిస్తుంటాయని పేర్కొన్నారు.. ఈ సంస్థలు యువకుల్లో మతచాంధస్సవాదం రెచ్చకొట్టి,వాళ్లని ఉగ్రవాదల్లో తయారు చేస్తారన్నారు..అల్-ఖైదా, దాని అనుబంధ సంస్థలు,వాటి గ్రూప్ నుంచి ప్రేరణ పొందిన వారు ఆఫ్రికా, ఆసియా, యూరప్,ఉత్తర అమెరికాలో దాడులను ప్లాన్ చేయడం, అమలు చేయడంలో పాల్గొంటున్నారని వెల్లడించారు.