మావోయిస్టు పార్టీ పొలిట్‌బ్యూరో సభ్యుడు మల్లోజుల వేణుగోపాల్ రావు లొంగుబాటు

పతనం దిశగా పార్టీ…

అమరావతి: మావోయిస్టు పార్టీకి కొలుకోలేని దెబ్బ తగిలింది. మావోయిస్టు పార్టీ కేంద్ర కమిటీ,, పొలిట్‌బ్యూరో సభ్యుడు మల్లోజుల వేణుగోపాల్ రావు(70) @ సోనూ మహారాష్ట్రలోని గడ్చిరోలిలో ఆయన పోలీసులకు లొంగిపోయారు..మల్లోజుల పెద్దపల్లిలోని ప్రభుత్వ డిగ్రీ కళాశాలలో చదువుకున్నాడు..1980లలో పీపుల్స్ వార్ గ్రూప్‌లో చేరాడు..

ప్రజాస్వామ్యం బద్దంగా వెళ్లడం తప్ప:- కొద్దిరోజుల కిందట తన సోదరుడు మల్లోజుల కోటేశ్వరరావుకు కిషన్‌జీ పేరుతో వేణుగోపాల్‌రావు ఒక లేఖ రాశారు.. అందులో మావోయిస్టు పార్టీ విధానాలపై మల్లోజుల కొంతకాలంగా అసంతృప్తిలో వ్యక్తం చేసినట్లు తెలుస్తోంది.. విప్లవోద్యమాన్ని విజయవంతంగా నడిపించాలి అంటే  మరో మార్గం లేదంటూ మావోయిస్టు పార్టీకి ఆయన రాసిన  లేఖ కలకలం సృష్టించింది..లేఖ రాసిన అనంతరం ఆయన మావోయిస్టు పార్టీని వీడారు.. అనివార్య కారణాలతో పార్టీని వీడుతున్నానని,,ఇకపై పార్టీలో కొనసాగబోనని ప్రకటించారు..ఈ నేపధ్యంలో 60 మంది మావోయిస్టులతో కలిసి గడ్చిరోలి పోలీసులకు లొంగిపోయారు.

పార్టీలో తీవ్రమైన అంతర్గత సంక్షోభం మొదలైంది:- నిరంతరం చేసిన తప్పులను విశ్లేషించుకోవడం ద్వారా నేడు,, రేపు వాటిని నివారించడం ఎలాగో మనం నేర్చుకుంటాం.. తప్పుల నుంచి గుణపాఠాలు తీసుకోవడం అంటే రోగం రాకుండా టీకా తీసుకోవడం వంటిది.. విప్లవోద్యమాన్ని కూడా అదే పద్దతిలో నడిపించగలుగుతాం.. ఇది నల్లేరు మీద బండిలా సాగే పని ఎంతమాత్రం కాదు..తీవ్రమైన అధ్యయనం,,ఓపికతో,, త్యాగాలతో కూడిన విప్లవాచరణ అని మల్లోజుల పేర్కొన్నారు.. ఈ మేరకు మావోయిస్టు పార్టీకి ఆయన 22 పేజీలతో కూడిన సుదీర్ఘమైన లేఖను ఈ నెల 6వ తేదీన విడుదల చేశారు.. మావోయిస్టు పార్టీలో తీవ్రమైన అంతర్గత సంక్షోభం మొదలైందని,, ఆయుధ పోరాటాలను తాతాలికంగా విరమించాలని ఆ లేఖలో కోరారు.. దశాబ్దాల తరబడి చేస్తున్న తప్పుడు విధానాలే తీవ్రమైన నష్టాలకు కారణమని,, సైన్యం తప్ప రహస్య పార్టీ లేదు అని ఆయన స్పష్టం చేశారు.. ఈ నేపథ్యంలో తాతాలికంగా సాయుధ పోరాటాన్ని విరమించి, ప్రజల మధ్యకు బహిరంగంగా వెళ్లాలని ఆయన క్యాడర్‌ను కోరారు.

ఆధార్‌ కార్డులు తెచ్చుకోవడాన్ని వ్యతిరేకించం:- 2006 నూతన అటవీ చట్టం ప్రకారం ప్రభుత్వం ఇచ్చే భూమి పట్టాలను ‘బేస్‌ ఏరియాలు నిర్మిస్తున్నామనే ధీమాతో’ వ్యతిరేకించాం. దండకారణ్యంలోని రైతులకు మన కమిటీలే పట్టాలిస్తాయని చెప్పాం,, కానీ ఆ పట్టాలకు వ్యవస్థలో గుర్తింపు లేదనే నగ్న సత్యంను విస్మరించామని పేర్కొన్నారు.. ప్రజలు తమ జీవితావసరాల కోసం అనివార్యమైన,, ప్రజలు దొంగచాటుగా ప్రభుత్వ అధికారుల వద్దకు వెళ్లి వాటిని పొందాల్సిన పరిస్థితి ఏర్పడిందని తెలిపారు..ప్రస్తుతం మనకు సానుకూల మార్పు కావాలి.. అనవసర త్యాగాలకు అంతం పలుకుదాం.. నూతన పద్ధతులలో పురోగమిద్దాం.. అంతిమ విజయం ప్రజలదే అంటూ మల్లోజుల లేఖను ముగించారు.