ఇస్రో నుంచి అంత్యంత బరువైన కమ్యూనికేషన్ శాటిలైట్ ప్రయోగానికి సిద్దం-ఛైర్మన్ నారాయణన్

అమరావతి: భారత అంతరిక్ష పరిశోధనా సంస్థ (ఇస్రో) నుంచి తొలి సారిగా అత్యంత బరువైన కమ్యూనికేషన్ శాటిలైట్ CMS 03 (GSAT-7R)ను ఆదివారం సాయంత్రం 5.26 గంటలకు ప్రయోగించనున్నమని ఇస్రో ఛైర్మన్ V. నారాయణన్ తెలిపారు..శనివారం సంప్రదాయం ప్రకారం తిరుమల శ్రీవారిని దర్శించుకున్న అనంతరం అయన మీడియాతో మాట్లాడుతూ భారత నావికాదళం కోసం ప్రత్యేకంగా అభివృద్ధి చేసిన ఈ మల్టీ-బ్యాండ్ మిలిటరీ కమ్యూనికేషన్ శాటిలైట్ న్ని ప్రయోగానికి సిద్దంగా వుందని వెల్లడించారు.

లాంచ్ వెహికల్ మార్క్-3 (LVM3-M5)  సహాయంతో CMS 03 (GSAT-7R) రాకెట్ ఎత్తు:-43.5 మీటర్లు కాగా బరువు 4,410 కిలోల వున్నఉపగ్రహాన్ని జియోస్టేషనరీ ట్రాన్స్‌ ఫర్ ఆర్బిట్ (GTO)లోకి ప్రవేశ పెట్టేందుకు ప్రయత్నించడం ఇదే ప్రథమం..

నేవీ డిజిటల్ కనెక్టివిటీ:- ఇస్రో అందించిన సమాచారం ప్రకారం, “మల్టీ-బ్యాండ్ కమ్యూనికేషన్ శాటిలైట్ CMS-03 భారత ప్రధాన భూభాగంతో సహా విస్తారమైన సముద్ర ప్రాంతానికి సేవలను అందిస్తుంది.. ఈ ఉపగ్రహం “C”, “Extended C”, “Q” బ్యాండ్​లలో వాయిస్, డేటా, వీడియో లింక్‌ల కోసం ట్రాన్స్‌ పాండర్ సౌకర్యాలను కల్పిస్తుంది.. మారుమూల ప్రాంతాలలో నేవీ డిజిటల్ కనెక్టివిటీని అనుసంధానించడంలో మెరుగైన ఫలితాలను అందిస్తుంది.