రాజకీయాల్లో పనికిరాని వ్యక్తి జగన్- పోలవరం ప్రాజెక్టును నాశనం చేశారు-చంద్రబాబు

అమరావతి: గడిచిన 5 సంవత్సరాల్లో వైసీపీ ప్రభుత్వం పోలవరం ప్రాజెక్టును నాశనం చేసిందని సీఎం చంద్రబాబు తీవ్రంగా విమర్శించారు.. సోమవారం పోలవరం ప్రాజెక్టును సందర్శించిన అనంతరం చంద్రబాబు,, మీడియాతో మాట్లాడారు..రాజకీయాల్లో పనికిరాని వ్యక్తి జగన్,అలాంటి వ్యక్తి అధికారంలోకి రావడం రాష్ట్రానికి శాపంగా మారారన్నారు..వైసీపీ ప్రభుత్వం రాగానే పోలవరంపై రివర్స్ టెండరింగ్ చేపట్టారని, ఏజెన్సీతోపాటు సిబ్బందిని కూడా మార్చారన్నారు.. గత ప్రభుత్వ నిర్ల్యక్షంతో డయాఫ్రమ్ వాల్ దెబ్బతిందని ఆరోపించారు.. రూ.447 కోట్లతో మరమ్మతులు చేసినా డయాఫ్రమ్ వాల్ పూర్తి స్థాయిలో బాగవుతుందనే పరిస్థితి లేదన్నారు.. సమాంతరంగా డయాఫ్రమ్ వాల్ నిర్మిస్తే రూ.990 కోట్లు ఖర్చవుతుందన్నారు.. పోలవరం విషయంలో జగన్ క్షమించరాని తప్పులు చేశారని చంద్రబాబు మండిపడ్డారు..

వరదలు వస్తే మరింత నష్టం:- పోలవరం డయాఫ్రం వాల్ దెబ్బతిందని సీఎం చంద్రబాబు తెలిపారు..కాపర్ డ్యాం పూర్తిగా నిర్మించకపోవడంతో వరద తాకిడికి డయాఫ్రం వాల్ దెబ్బతిందన్నారు.. దానికి సమాంతరంగా మరొక డయాఫ్రమ్ వాల్ నిర్మిస్తే రూ.447 కోట్లు అదనపు ఖర్చు అవుతుందన్నారు.. దీంతో మొత్తం వ్యయం రూ.990 కోట్లకు చేరుతుందన్నారు.. రెండు కాపర్ డ్యామ్‌లకు రూ.550 కోట్లు, రూ.2 వేల కోట్లు కాపర్ డ్యాం గ్యాప్ నిర్మాణానికి ఖర్చు అవుతుందని చంద్రబాబు తెలిపారు..ప్రాజెక్టు పూర్తి కావాలంటే మరో 4 ఏళ్లు పడుతుందని చంద్రబాబు తెలిపారు.. కాపర్ డ్యాం సీపేజీలు ఉన్నాయని, వరదలు వస్తే మరింత నష్టం జరుగుతుందని చంద్రబాబు ఆందోళన వ్యక్తం చేశారు. వైసీపీ ప్రభుత్వం నిర్లక్ష్యం వల్ల పోలవరం ప్రాజెక్టు చాలా నష్టం జరిగిందని ఆరోపించారు.

జగన్ రాజకీయాలకు పనికిరాని వ్యక్తి:- జగన్ రాజకీయాల్లో ఉండ తగని వ్యక్తి అని సీఎం చంద్రబాబు తీవ్రంగా మండిపడ్డారు..జగన్ క్షమించరాని నేరం చేశారని,, 2014లో రాష్ట్రం కోసం తాను పడిన కష్టాన్ని బూడిదలో పోసిన పన్నీరు చేశారని అగ్రహాం వ్యక్త చేశారు.. పోలవరం డ్యామ్ ఎత్తు 45.72 మీటర్ల ఎత్తు ఉంటే 194 టీఎంసీల నీరు నిల్వ ఉంటుందని,, ఆ ఎత్తును తగ్గించడానికి గత ప్రభుత్వం ప్రయత్నించిందన్నారు.. స్పిల్ వే ద్వారా 50 లక్షల క్యూసెక్కుల నీరు వెళ్లేలా డిజైన్ చేశామన్నారు.. చైనాలో త్రీ గార్జియస్ ప్రాజెక్టు ద్వారా మాత్రమే అంత ఎక్కువ వాటర్ డిశ్ఛార్జ్ అవుతోందని గుర్తుచేశారు.