పశ్చిమ బెంగాల్‌లో ఘోర రైలు ప్రమాదం-15 మంది మృతి

అమరావతి: పశ్చిమ బెంగాల్‌లోని డార్జిలింగ్‌ జిల్లాలో జరిగిన ఘోర రైలు ప్రమాదంలో ఇప్పటి వరకూ 15 మంది ప్రాణాలు కోల్పోయినట్లు సమాచారం.. దాదాపు 30 మందికిపైగా గాయపడినట్లు సమాచారం.. రంగంలోకి దిగిన NDRF,,SDRF సహయ బృందాలు ఘటనాస్థలి వద్ద చేరుకుని, క్షతగాత్రులను వెంటనే సమీపంలోని ఆసుపత్రికి తరలించారు.. అస్సాంలోని సిల్చార్‌ నుంచి కోల్‌కతాలోని సెల్దాకు బయల్దేరిన కాంచన్‌జంగా ఎక్స్‌ప్రెస్‌ రైలును న్యూజల్‌పాయ్‌ గుడి జంక్షన్‌ సమీపంలోని రంగపాని స్టేషన్‌ వద్దకు రాగానే అదే ట్రాక్‌పై వెనుకనుంచి వచ్చిన ఓ గూడ్స్‌ రైలు బలంగా ఢీ కొట్టింది..దీంతో కాంచన్‌జంగా రైలుకు చెందిన ఓ బోగీ గాల్లోకి లేచింది..ప్రమాద తీవ్రతకు గూడ్స్‌ రైలు బోగీలు చెల్లాచెదురుగా పడిపోగా,,ఎక్స్‌ ప్రెస్‌ రైలు బోగీలు సైతం పట్టాలు తప్పాయి..ఈ ఘటనలో మృతుల సంఖ్య కూడా పెరిగే అవకాశం ఉందని స్థానిక అధికారులు భావిస్తున్నారు..రెండు రైళ్లు ఢీ కొట్టడంతో రైళ్ల రాకపోకలకు తీవ్ర అంతరాయం ఏర్పడింది..ఈ రూట్‌లో వెళ్లే పలు రైళ్లను అధికారులు దారి మళ్లించి,,మరికొన్నింటిని రద్దు చేశారు..ఘటన సమాచారం అందుకున్న బెంగాల్‌ ముఖ్యమంత్రి మమతా బెనర్జీ వెంటనే ఘటనాస్థలికి చేరుకుని పరిస్థితి సమీక్షించారు..ఈ ఘటనపై రైల్వే మంత్రి అశ్వినీ వైష్ణవ్‌ స్పందిస్తూ, NFR జోన్‌లో దురదృష్టకర ప్రమాదం జరిగిందన్నారు. యుద్ధప్రాతిపదికన సహాయక చర్యలు కొనసాగుతున్నట్లు చెప్పారు. రైల్వే, NDRF,,SDRF బృందాలు సమన్వయంతో పనిచేస్తున్నట్లు తెలిపారు.