భావ ప్రకటన స్వేచ్ఛను ప్రభుత్వ సంస్థలు ఉల్లంఘించడం ప్రమాదకరం ?- ట్రిబ్యునల్

అమరావతి: ఆంధ్రప్రదేశ్ లో ABN ఆంధ్రజ్యోతి, TV5 న్యూస్ చానళ్లపై అనధికార నిషేధం కొనసాగుతున్న తున్నదని, ప్రభుత్వ ఒత్తిడితోనే MSOలు ప్రసారాలను నిలిపివేశారని,మంత్రులే స్వయంగా MSOలను బెదిరించారని ఆంధ్రజ్యోతి ఆరోపించింది.అటు TV5 ఈ విషయంలో టెలికాం వివాదాలు పరిష్కరించే అప్పిలేట్ ట్రిబ్యునల్(TD Sat)ను ఆశ్రయించింది.TV5 చానల్ నిషేధంపై విచారణ జరిపిన టీడీశాట్ఏపీ ఫైబర్‌నెట్ సంస్థకి భారీ జరిమానాప్రభుత్వానికి షాకిచ్చింది.ఏపీ ఫైబర్‌నెట్ సంస్థకి భారీ జరిమానా విధిస్తూ ఆదేశాలు జారీ చేసింది.ప్రసారాలు పునరుద్ధరించాల్సిందిగా పదే పదే ఉత్తర్వులు జారీ చేసినా పట్టింకోకపోవడంపై తీవ్ర ఆగ్రహం వ్యక్తం చేసింది. చానల్‌పై బ్యాన్ ఎత్తివేసేంత వరకూ రోజుకు రూ.2 లక్షల జరిమానా చెల్లించాలని ఆదేశించింది. తమ ఆదేశాలను బేఖాతరు చేసినందుకు కూడా టీడీశాట్ జరిమానా విధించింది.ఉద్దేశపూర్వకంగానే చానళ్లపై నిషేధం విధించినట్లు భావిస్తున్నామని, ఏపీ ఫైబర్‌నెట్‌ చర్యలపై మొదటి నుంచీ అనుమానాలున్నాయని వ్యాఖ్యానించింది. కారణాలు చూపకపోవడం, అఫిడవిట్ ఫైల్ చేయకపోవడంపై ఆగ్రహం వ్యక్తం చేసింది.తమ పై అధికారుల ఆదేశాల మేరకే ఇలా చేశామని చెప్తున్న వాదనలను తప్పుబట్టింది.ప్రభుత్వ సంస్థ అయిన టీడీశాట్‌లో మీకు ఆదేశాలిస్తున్న ఆ ఉన్నత వ్యక్తి ఎవరని ప్రశ్నించింది.న్యూస్ చానల్ కు ఉండే భావ ప్రకటన స్వేచ్ఛను ప్రభుత్వ సంస్థలు ఉల్లంఘిస్తున్నట్లు ఆరోపణలు రావడం చాలా ప్రమాదకరమని ట్రిబ్యునల్ వ్యాఖ్యానించింది. ఇలాంటి చర్యలు మరోసారి జరిగితే కఠిన చర్యలు తీసుకోవాల్సి ఉంటుందని హెచ్చరికలు చేసింది. ఇప్పటి వరకు జరిగిన ఉల్లంఘనలకు 15 లక్షల రూపాయల జరిమానా విధించాల్సి ఉన్నప్పటికీ రూ.5 లక్షలు మాత్రమే విధించామని పేర్కొంది.ఈ రోజుకు రెండు లక్షల రూపాయలు జరిమానా వర్తిస్తుందని స్పష్టం చేసింది.

LEAVE A REPLY